Punësimi i studentëve gjatë dhe pas studimeve është një nga prioritetet kryesore në Western Balkans University. Për këtë arsye, Zyra e Planifikimit të Karrierës organizoi një sesion informues të veçantë në bashkëpunim me Ilingua Academy, dedikuar studentëve të programit të Imazherisë. Gjatë sesionit, znj. Imelda Dembacaj, Administratore dhe Menaxhere e Burimeve Njerëzore në Ilingua Academy, prezantoi në detaje mundësitë që ofron akademia, duke theksuar kurset falas të gjuhës gjermane që ofrohen për tre studentë të vitit të tretë në programin e Imazherisë.
Gjithashtu, z. Maximilian Schaber, themelues dhe administrator i Omria GmbH, prezantoi për herë të parë një projekt inovativ që ofron mundësi punësimi në distancë për studentët nga Shqipëria përmes një platforme të specializuar.
Ky projekt u mundëson studentëve të punojnë për klinika gjermane nga komoditeti i shtëpisë së tyre në Shqipëri, duke fituar përvojë praktike dhe akses në mundësi ndërkombëtare punësimi.
