Këto evente të rëndësishme për mjekësinë shqiptare u organizuan më 15 dhe 16 nëntor, nga Spitali Amerikan, European School of Radiology, Albanian Association of Radiology, Shoqata AMEA dhe Albanian Society of Breast Imaging. Gjatë konferencës profesionistët prezantuan dhe diskutuan mbi zhvillimet më të fundit dhe sfidat në fushën e Imazherisë së Avancuar, duke sjellë raste të shumta nga praktika klinike. Një vëmendje e veçantë iu kushtua edhe risive në Radiologjinë Intervencionuese, një fushë në rritje, që ka ndikim të madh në trajtimin e pacientëve. Nga Universiteti ynë morën pjesë 91 studentë në këtë konferencë.
