Me rastin e Ditës Ndërkombëtare të Mjekëve, patëm nderin dhe kënaqësinë të organizonim një leksion të hapur me Prof. Assoc. Dr. Fatos Olldashin, neurokirurg i njohur në Spitalin Universitar të Traumës, me pjesëmarrjen e studentëve tanë të mjekësisë.
Gjatë këtij sesioni frymëzues, Dr. Olldashi ndau me studentët përvojat e tij akademike dhe profesionale, duke reflektuar mbi sfidat që ka hasur gjatë studimeve të tij mjekësore në Shqipërinë e viteve '90.
Ai theksoi rëndësinë e edukimit të vazhdueshëm, të mendimit kritik dhe të praktikës klinike. Gjithashtu, u ndal te roli themelor i mjekëve në shoqëri, duke theksuar se fitimi dhe ruajtja e besimit të pacientit është një nga aspektet më shpërblyese, por njëkohësisht edhe më sfiduese të profesionit të mjekut.
