Klubi i Lidershipit në Universitetin Western Balkans organizoi aktivitetin me titullin Invited Talks: “Think Big”, me të ftuar gazetarin dhe analistin e njohur, z. Armand Shkullaku.
Gjatë aktivitetit, z. Shkullaku ndau përvojën e tij të gjerë në gazetari, duke rrëfyer fillimet e karrierës së tij dhe rrugëtimin drejt analizimit të çështjeve aktuale.
Ai frymëzoi studentët me momente kyçe nga karriera e tij, duke u ndalur te analizat politike, ekonomike dhe sociale, duke theksuar rëndësinë e të menduarit kritik.
Gjithashtu, ai nënvizoi aftësitë dhe cilësitë thelbësore që, sipas tij, një lider duhet të zotërojë për të arritur sukses në çdo fushë.
