Universiteti Western Balkans, mirëpriti zonjën Klodiana Shala, kampione olimpike dhe një nga atletet më të suksesshme të Shqipërisë për një leksion të hapur të organizuar nga Departamenti i Mjekësisë dhe Zyra e Planifikimit të Karrierës. Në leksionin e saj, “Të jetosh si një atlet”, zonja Klodiana ndau përvoja mbi sfidat e jetës së një atleti, përkushtimin që ajo kërkon dhe sakrificat e nevojshme për të ndjekur një karrierë sportive. Ajo foli për vështirësitë që ka hasur në fillimet e saj në Shqipëri dhe theksoi rëndësinë e disiplinës, strukturës dhe vullnetit të fortë për të arritur sukses.
